Приказната на Парагон не е онаа класична што почнува со прадедо-винар, па дедо, па татко… Напротив – ова е приказна за еден млад и успешен претприемач кој реши да ја следи својата љубов и страст кон виното.
Кире, инженер по професија, до 2021 година веќе беше на врвот на својата кариера – генерален директор на една од најуспешните компании за електроника и безбедност во земјата и регионот.
Дознавајќи дека винаријата „Дудин“ се соочува со сериозни предизвици и ѝ е потребна поддршка, Кире несебично решава да излезе во пресрет и да помогне. Нејзината одлична локација во еден од најдобрте вински региони во земјата, тероарот и богатото винско наследство што го носи винаријата, заслужуваа нов почеток.
И, како што често бива со новите почетоци – не беше лесно. Винаријата беше речиси пред затворање. Но со голем ентузијазам, сериозни вложувања, љубовта кон виното и целосната посветеност на енолозите Кристина и Ристо – сè доби нова енергија и правец.
Така, во 2022 година се роди Винарија Парагон.